தெரிந்த ஆசனமும் தெரியாத இரகசியமும்

 🍎 உலக யோகா தினத்தை முன்னிட்டு இந்தியா முழுக்க கிட்டத்தட்ட ஐயிரத்திற்கும் மேற்பட்ட  மருத்துவ மனைகளில் யோகாசன வகுப்புகளை எடுக்கத் திட்டமிட்டுள்ளோம். இதில் கன்னியாகுமரி மாவட்டத்தில்  உள்ள எட்டு மருத்துவ மனைகளும்   அடங்கும். உங்களால் இந்த எட்டு வகுப்புகளையும் ஒரு வார காலத்தில் எடுக்க முடியுமா? என்று; டில்லியை சேர்ந்த Abbott என்ற  மருந்து கம்பெனியிலிருந்து டாக்டர். ஷாலினி என்பவர் நம்மை தொடர்புக்கொண்டிருந்தார். சரியென்று யோகா தினத்தன்று புத்தேரியில் உள்ள CBH மருத்துவமனை அடுத்தநாள் ஹோலிகிராஸ் மருத்துவமனை என்று நாமும்  தொடர்ந்து எட்டுவகுப்புகளை எடுத்து நிறைவுசெய்தோம்🍎  பயிற்சியில் மருத்துவர்கள், தாதியர்கள் மற்றும் மருத்துவ பணியாளர்கள் திரளாக கலந்துகொண்டனர். பல மருத்து வமனையில்  ஏசி ஹாலில் பயிற்சிக்கான ஏற்பாடுகளை செய்திருந்தது வேடிக்கையாக இருந்தது👀 இதுதான் உங்க இரகசியமா ,என்று பொருமை இழக்கவேண்டாம்.  இப்பொழுது விசயத்திற்கு வருகிறேன் அந்த மருந்துகம்பெனி மூலம் மலச்சிக்கலைப் போக்குவதற்கான ஆசனங்களை வடிவமைத்து அதற்கு🍅🍇 Constipasana   என்று  ஒரு பெயரை சூட்டியுள்ளார்கள். இதை மருத்துவர்களும் மருத்துவமனை பணியாளர்களும் கற்றுக்கொண்டு நோயாளிகளுக்கு பரிந்துரைக்க செய்ய வேண்டும் என்பதே திட்டம்.🌶 நான் CBH மருத்துவமனையில் யோகாவை நிறைவு செய்ததும் ஒரு நர்ஸ் ஒடிவந்து கடைசியில் செய்தது என்ன ஆசனம் சார்? அதை செய்து முடித்ததும்  என் உடலெல்லாம் ஒருவித அதிர்வுகளை உணர்ந்தேன், உடலில் இரத்தம் ஒடுவது, இதயம் துடிப்பது என்று எல்லாம் துல்லியமாக தெரிந்தது அதுவும் இறுதியில் வயிற்றில் கைவைத்து படுத்திருந்த போது மன ஓட்டம் முற்றிலும் நின்று உடம்பில் புதிய  சக்தி தோன்றியதுபோல் இருந்தது. உண்மையில் இது என்ன, எனக்கு ஆச்சரியமாக உள்ளது என்றார்🎿 நான்கூறினேன் அந்த ஆசனத்தின் பெயர் சாந்தியாசனம் உடலை தளர்த்தவும் அதனோடு தியான நிலையை  உணர்த்தவும் செய்யும் பயிற்சி என்றேன். உடனே,  நல்ல அனுபவம் சார் என்று  நன்றிபெருக்கோடு கூறினார். தினமும் பயிலுங்கள் என்று கூறிவிட்டு விடைபெற்றேன்.!   பல ஆண்டுகளாக யோகா செய்தேன் எனக்கு ஒன்றும் கிடைக்கவில்லை என்பவர்கள்  உணர்வில்லா பிண்டங்கள்.! ஒரே நாளில்  உணர்வின் எல்லையை கண்ட இந்த மங்கையே யோகாசன இரகசியம் தெரிந்த ஞானி என்று எனக்குத் தோன்றியது⛷.amyogatrust.blogspot.in