மனமெல்லாம் பணத்தின் மணம்

உடுக்க ஒரு வேட்டி
குடிக்கக் கூழு
படுக்க பத்தடி
படிக்க நல்லறம்
பிணிதடுக்க வேப்பமரம்
உயிர் துடிக்க பிராணக்காற்று
உடல் வளர்க்க ஒரு பணி
வாழ்வினிக்க ஒரு கன்னி  இவை
போதும் நம்  உயிர்கடக்க …

காலில்  ஒரு தோல்சுத்தி
கழுத்தில்
 ஒரு நாய்  வளையம்
வெப்பம் கொல்லும்
வேளையிலும்
பகட்டாய் ஒரு மேலங்கி
இதுதான்  
பண உலகின் ஆடை …

மேல் நாட்டுப்பயி்ர் வாங்கி பகலெல்லாம்
விசம் தெளித்து
பகட்டாய் வளர்த்தெடுத்து
பதமாய் பறிமாறும்
நஞ்சே பண உலகின் உணவு …

மூன்று பக்கமும் சுவர் மூடி மூவர்ண  இரசாயணமடித்து
 நடுவினில் ஒரு துளையிட்டு உயிர் எரிய  குளிரூட்டி
இரவெல்லம்
தன் நஞ்சையே சுவாசித்து
பிணம் போல பளப்பளப்பாய்
படுக்கையில் புரளுவதே
பண உலகின் உறக்கம் …

தட்சனை பலலட்சம்
கட்டணம் சிலலட்சம்
வாழ்வின் பாதிகாலம்
வெட்டியான ஏட்டுக்கல்வி
நல்லறங்கள் பேணாமல்
நம்முடலை பங்கு வைத்து
பணம் பண்ணும் பராந்து கூட்டத்தை
உருவாக்குவதே பண உலகின்
கல்விமுறை …

இரசாயண கழிவுகளையும்
தன் வீட்டுக் குப்பைகளையும்
ஊர்நதியில் கொட்டிவிட்டு
சுகம்  காணும் மனிதர்களும்,
தன் வளத்தை கூறுப்போட்டு
உலக வாய்க்கு தாரைவார்த்து
கமிசன் வாங்கும் இடைத்தரகு
அரசியல்வாதிகளும்,
என் தலைவன் மலம் மணக்கும்
என்றலையும் தொண்டர்களும் ,
காதலிற்கும் காமத்திற்கும்
வரிதெரியா பிண்டங்களும்
பண உலகின் மாண்புமிகு மாந்தர்கள் …

அத்தனைக்கும் ஆசைப்படுபவனே
பண உலகின் துறவி
அவன்கூட வான்புரவியில் வந்தால் தான்  ஞானியென்று  நீ கவனி …

உண்மை இவ்வாறு இருக்க
நான் மட்டும் எவ்வாறு வெறும்
கையில் முத்திரைப்பிடிக்க …

எனக்கும் இரண்டு பிள்ளைகள் இருக்கிறார்கள் அல்லவா,
அவர்களும்  பண உலகில் கல்லூரிக்கு செல்கிறார்கள்  அல்லவா?
புரிந்துகொள்ளுங்கள் பணவான்களே.!

-ஏகப்பிரியன்
amyogatrust.blogspot.in